Балаларга ярдәм
Бөгелмә укучыларына азык-төлек җыелмалары тарата башладылар.
Бөгелмә шәһәре һәм районының бушлай кайнар туклану каралган укучылары азык-төлек җыелмалары алалар, аларның һәркайсы 412 сумга төшә.
Бу ярдәм дүрт һәм аннан да күбрәк бала тәрбияләнүче гаиләләргә карый. Бөгелмә муниципаль районында андыйлар – 365. Тупланмалар алучылар арасында 1нчедән алып 11 сыйныфка кадәр барлык сыйныф укучылары да бар. Хәзер аларга мондый ярдәм бик мөһим.
Исегезгә төшерәбез, Татарстан Республикасында мәктәп укучылары һәм студентлар, үзеңне изоляцияләү режимын кертелү сәбәпле, дистанцион укуга күчерелде. Дүшәмбе көнне, 6 апрельдә, шәһәр һәм районның 40 мәктәбе дүртенче чирекне дистанцион рәвештә башлап җибәрде.
Следите за самым важным и интересным в Telegram-каналеТатмедиа
