Кышка кура җиләген катыру буенча КИҢӘШЛӘР

1 кг кура җиләге
2 кг шикәр комы
Кура җиләген тирән эмаль савытка салып, өстенә шикәр комы сибәбез һәм өч сәгатькә суыткычка куябыз. Бу вакытта кура җиләгенең согы чыга, шикәре дә эри башлый. Аннары тукмак белән яхшылап изәбез. Блендер да куллана аласыз. Әмма иң яхшысы агач тукмак яки кашык белән изү. Салкын кайнатма сакланасы пластик савытны яхшылап юып киптерәбез дә кура җиләген тутырып куябыз. Иң өскә берәр аш кашыгы шикәр комы сибәргә онытмагыз.