Үзенчәлекле очрашу

"Лекториум" проекты кысаларында "Бердәм Россиянең Яшь гвардиясе" Бөгелмә бүлекчәсе активистлары Бөгелмә муниципаль районы Советының массакүләм мәгълүмат чаралары белән эшләү бүлеге җитәкчесе Марина Колесникова һәм "Бөгелмә ШТК Лигасы" җитәкчесе Илһам Сәгыйтов белән очраштылар.
Очрашу барышында Марина Анатольевна пресс-конференцияләр һәм брифинглар турында сөйләде, аларны үткәрүнең максатлары һәм бурычларын аңлатты.
Соңрак катнашучылар ике командага бүленде - берәүләр ньюсмейкерлар ролендә булды һәм вакыйгалар турында мәгълүмат җиткерде. Икенчеләре -журналистлар ролен башкарды һәм сораулар бирде.
Илһам Рөстәм улы ораторлык сәнгате буенча үз белемнәре белән уртаклашты. Тормышындагы истәлекле вакыйгалардан мисаллар китерде. Зур залларда чыгыш ясаулары турында сөйләде.