ВТБ 24 банкын ВТБга куштылар

Бердәм универсаль банк булдыру төркемнең 2017-2019 елларга исәпләнгән үсеш стратегиясендә каралган иде.

(Казан, 2 гыйнвар, «Татар-информ»). Яңа елдан ВТБ 24 банкы яшәүдә туктады. Аны үзгәртеп, ВТБ банкына куштылар. Хәзер ВТБ бренды астында бердәм универсаль банк эшләячәк, дип яза «Российская газета».

Банклардагы кече бизнес өчен, ипотека, кертемнәр, кредитлар буенча барлык шартлар, банкоматлардагы сервислар бердәм нормага китерелде. Клиентларга исә гадәти офисларда хезмәт күрсәтеләчәк.

Бердәм универсаль банк булдыру төркемнең 2017-2019 елларга исәпләнгән үсеш стратегиясендә каралган иде. Әлеге адым ВТБ банкына административ-хуҗалык чыгымнарын 15 миллиард сумга киметергә мөмкинлек бирәчәк.

http://tatar-inform.tatar/news/2018/01/02/155401/