Актуаль тема
Узган тәүлектә Татарстанда коронавирус йоктыруның 46 яңа очрагы ачыкланган
19 кеше хастаханәгә салынган, ә 27 кеше өйдә дәвалана.
Узган тәүлектә Татарстанда коронавирус авыруының 46 яңа очрагы теркәлгән. Бу хакта республика Президентының матбугат хезмәте җитәкчесе Лилия Галимова хәбәр итте.
«19 кешене хастаханәгә салганнар, тагын 27 пациент өйдә дәвалана», - диде Лилия Галимова.
Авыручылардан 18 кеше Казанда, 11 кеше Чаллыда яши.
Авыручылар арасында иң күбе 30-50 яшь аралыгындагы кешеләр. Балигъ булмаган балалар арасында авыру йоктыручылар ачыкланмаган.
14 июньгә республикада коронавирусның 3914 очрагы теркәлгән.
Следите за самым важным и интересным в Telegram-каналеТатмедиа
Оставляйте реакции
