Узган тәүлек эчендә табиблар күрше Әлмәт районда авыруның яңа ике очраклары расланган.

Татарстанда тәүлек эчендә яңа Covid-19 инфекциясенең 33 очрагы расланган. Бу хакта Татарстанның коронавирус буенча оператив штабы хәбәр итә.

«Аларның икесе-читтән кертелгән, 33е - аралашу юлы белән йоктырылган. 6 кеше хастаханәгә салынган, 27 кеше өйдә дәвалана», - диелә хәбәрдә.

Торак пунктлар арасында зарарлану саны буенча Казан алда бара - 18 кеше, шулай ук Чаллыда 4 кеше теркәлгән.

Авыручыларның иң күбе 30дан 50 яшькә кадәрге кешеләр арасында - 19 очрак расланган.

31 июльгә республикада барлыгы 5602 коронавирус очрагы теркәлгән. Республикада 4499 кеше, шул исәптән 27се - узган тәүлектә терелгән.