Татарстанда юл һәлакәтендә 41 яшьлек мотоцикл йөртүче үлгән

(Казан, 2 май, “Татар-информ”). Татарстанда юл һәлакәтендә 41 яшьлек мотоцикл йөртүче үлгән. Бу хакта “Татар-информ” агентлыгына Татарстан Республикасы буенча Эчке эшләр министрлыгында хәбәр иттеләр. 
Һәлакәт кичә кич Шәмәрдан авылы тирәсендә булган.
“Лада Калина” автомобиле йөртүчесе юл хәрәкәте кагыйдәләрен тупас бозган һәм каршы як полосага чыккан. Ул “Ямаха” мотоциклы белән бәрелешкән. 
41 яшьлек мотоцикл йөртүченең гомере һәлакәт урынында ук өзелгән.