Татарстанда тәүлек эчендә табиблар “Covid-19”ның 39 яңа очрагын расладылар
Авыручылар арасында бөгелмәлеләр юк.
Татарстанда тәүлек эчендә табиблар Covid-19 коронавирус йогышының 39 яңа очрагын расладылар. Бу хакта ТР сәламәтлек саклау министры урынбасары – Казанның Сәламәтлек саклау идарәсе башлыгы Владимир Жаворонков хәбәр итте.
"Тәүлек эчендә 20 кеше савыкты. 1 169 пациентны дәвалау дәвам итә", – дип өстәде спикер.
“Covid-19” тарала башлаганнан бирле Татарстанда коронавирус белән йогышлануның 4 310 очрагы теркәлгән. Барлыгы 3 128 кеше савыкты.
Следите за самым важным и интересным в Telegram-каналеТатмедиа