Татарстанда коронавирус белән авыруның барлык яңа очраклары да – йогышланганнар белән элемтәдә булу нәтиҗәсе

Татарстанда барлыгы 3 079 коронавирус белән зарарлану очрагы теркәлгән. Аларның күпчелек өлеше инде савыгып җитте. Яңа авыручыларның 13е хастаханәгә салынган, 40ы өйдә дәвалана.

Тәүлек эчендә иң күп авырулар Казанда теркәлгән – 27 кеше. Яр Чаллыда да шактый – 17. Тукай районында коронавирус өч кешегә эләккән. Алексеевск, Алабуга, Зәй, Яшел Үзән, Лаеш, Лениногорск һәм Менделеевск районнарында берәр авыру теркәлгән.

Яңа чир йоктырганнар арасында балигъ булмаганнар – 6, 18-30 яшьлекләр  – 9, 30-50 яшьлекләр – 17, 50-60 яшьлекләр – 13, 60-70 яшьлекләр – 5, 70-80 яшьлекләр – 2, 80-90 яшьлекләр – 1 кеше.