Татарстанда коронавирус белән авыручылар саны тотрыклы рәвештә кими

Оператив мәгълүматларга караганда, атна башына республикада коронавирус белән авыруның 44 очрагы теркәлгән, ә бүгенге көндә 36 авыручы. Бу хакта ТР Президенты матбугат хезмәте җитәкчесе Лилия Галимова хәбәр итте.

"15 кеше хастаханәгә салынды, 21 кеше өйдә дәвалана", – дип өстәде Галимова.

Яшь төркемнәре буенча иң күп авыручылар 60 яшьтән 70 яшькә кадәрге кешеләр арасында– 16 кеше. Икенче урында – 50дән 60 яшькә кадәр – 9 кеше, өченчедә – 30дан 50 яшькә кадәр – 7 кеше.

Торак пунктлар арасында зарарлану саны буенча Казан алда бара – 19 очрак, икенче урында Яр Чаллы – 6 кеше. Авыл территорияләреннән Нурлат районында  тәүлек эчендә өч авыручы ачыкланды.

19 июньгә Татарстанда барлыгы 4 114 “COVID-19” очрагы теркәлгән.

Барлыгы 2 969 кеше сәламәтләнгән, шул исәптән 62се – узган тәүлектә.

1 133 кеше дәвалана.