Татарстанда 27 яңа COVID-19 очрагы теркәлгән

Татарстанда тәүлек эчендә Covid-19 коронавирус инфекциясе белән зарарлануның 27 яңа очрагы теркәлгән. “4 кеше хастаханәгә урнаштырылган, 23 кеше өйдә дәвалана”, – Бу хакта мәгълүмат агентлыгында узган матбугат конференциясендә Роспотребнадзорның ТР буенча идарәсе җитәкчесе урынбасары Любовь Авдонина әйтте.

Яшь төркемнәре буенча:

18 яшькәчә – 1

18 яшьтән 30 яшькәчә – 1

30 яшьтән 50 яшькәчә – 13

50 яшьтән 60 яшькәчә – 5

60 яшьтән 70 яшькәчә – 4

70 яшьтән 80 яшькәчә – 3

Шәһәр һәм районнар буенча җыентык:

1. Казанда – 16

2. Аксубай районында – 1

3. Алексеевский районында – 1

4. Югары Ослан районында – 1

5. Яңа Чишмә районында –  1

6. Нурлат районында – 4

7. Спас районында – 3

Республикада бөтен вакыт эчендә 6 563 коронавирус белән зарарлану очрагы ачыкланган. Барлыгы 5 393 кеше сәламәтләнгән, шул исәптән 37е – узган тәүлектә.

Бүген республикада коронавирус инфекциясеннән үлүнең 62 очрагы теркәлгән.

1941 елда туган хатын-кыз авыр дәрәҗәдәге хастаханәдән тыш ике яклы полисегментар пневмония белән Казан шәһәренең сугыш ветераннары госпитале базасында оештырылган вакытлыча йогышлы госпитальгә озатыла. Аның хәле  йөрәк-кан тамырлары системасының хроник авырулары кискенләшүе нәтиҗәсендә начарлана. Вирус идентификацияләнгән. Үлемнең сәбәбе патологоанатомик экспертиза нәтиҗәсендә билгеләнгән.

Туганнарының һәм якыннарының тирән кайгыларын уртаклашабыз.