«Татар-информ» агентлыгында балалар бакчасы өчен түләүләр арту хакында сөйләячәкләр

«Татар-информ» агентлыгы сайтында матбугат конференциясеннән онлайн-трансляция оештырыла.

(Казан, 18 гыйнвар, «Татар-информ»). Иртәгә, 19 гыйнварда, 10.00 сәгатьтә «Татар-информ» агентлыгында оештырылачак матбугат конференциясендә Татарстанның балалар бакчаларында түләүләрнең артуы хакында сөйләячәкләр.

Матбугат конференциясенең кунаклары - ТР мәгариф һәм фән министрының беренче урынбасары Илсур Һадиуллин, ТР Мәгариф һәм фән министрлыгының мәктәпкәчә белем бирү бүлеге башлыгы Эльвира Измайлова.

«Татар-информ» агентлыгы сайтында матбугат конференциясеннән онлайн-трансляция оештырыла. Теләге булган һәркем үзен кызыксындырган сорау бирә ала.

Гаммәви мәгълүмат чараларын аккредитацияләү pr@tatar-inform.ru электрон почтасы ярдәмендә үткәрелә.

http://tatar-inform.tatar/news/2018/01/18/156306/