Сәламәтлек – олы нигъмәт

Бөгелмә шәһәре һәм Бөгелмә районы имам-мөхтәсибе Рамил хәзрәт Хөснетдинов, Татарстан Республикасы "Роспотребнадзор" идарәсенең Бөгелмә, Азнакай, баулы районнары хезмәткәрләре, идарә начальнигы вазифасын башкаручы Р. Кәлимуллина һәм баш эксперт Г. Миргалимова белән бергәләп, эшлекле очрашу уздырдылар. Чара СПИДтан вафат булганнар истәлегенә багышланган көнгә туры китереп оештырылган иде.

Узган җомга намазында да сәламәтлекнең һәм гаиләнең Аллаһ тарафыннан бирелгән олуг нигъмәтләр икәнлеге искә алынды, алар ныклыгын сорап дога кылынды һәм кешенең бу байлыкларны сакларга тиешлеге турында әйтелде.