Сигезенчесе бөгелмәле коронавирус инфекциясе йоктырган

Татарстан Республикасында тәүлек эчендә тагын 33 коронавирус инфекциясе очрагы теркәлгән. Аларның 31ы – элемтә юлы белән йоктырылган, икесе читтән кертелгән. Авырулар арасыннан 20 кеше хастаханәгә салынган, 13сы өйдә дәвалана.

Яшь төркемнәре буенча:

18 яшькә кадәр – 2

18 яшьтән 30 яшькәчә – 2

30 яшьтән 50 яшькәчә – 11

50 яшьтән 60 яшькәчә – 8

60 яшьтән 70 яшькәчә – 6

70 яшьтән 80 яшькәчә – 4

80 яшьтән 90 яшькәчә – 0

90 яшьтән өлкәнрәкләр арасында чирләп китүчеләр юк.    

Казанда – 18, Яр Чаллыда – 2, Арчада – 2, Югары Осланда – 2, Тукай районында – 2, Биектау, Бөгелмә, Алабуга, Лаеш, Түбән Кама, Питрәч, Сарманда авыруның берәр очрагы ачыкланган.

27 июльгә Татарстанда COVID-19 ның барлыгы 5469 очрагы билгеле. Инфекцияне кичереп, 4324 кеше савыккан, шул исәптән узган тәүлектә 30 кеше.