Россия Эчке эшләр министрлыгының Бөгелмә районы бүлеге оператив мәгълүматы.
Россия Эчке эшләр министрлыгының Бөгелмә районы буенча бүлеге эше турында бүлек башлыгы урынбасары Сергей Анисимов сөйләде.
- Бөгелмә районы эчке эшләр бүлеге, шәһәргә керүче һәм китүче автомашиналарны тикшерү буенча – санкцияләнмәгән хәрәкәтләргә юл куймас өчен 1 апрельдән 8 постта тәүлек буе эшли башлады. Бу вакыт эчендә барлыгы 20 332 граждан һәм 135 589 транспорт чарасы тикшерелде. 759 берәмлек транспортта йөрү чикләнде, шуларның 38е – автобуслар, 236сы – йөк машиналары, 485е – җиңел машиналар.
- 29 административ материал ачыкланды, аларда халыкның санитар-эпидемиологик иминлеге өлешендә административ законнарны бозу билгеләре бар. РФ Административ хокук бозулар турындагы кодексның 6.3нче маддәсе буенча 30 беркетмә төзелде.
- Балигъ булмаган балаларның ата-аналарына карата 24 беркетмә төзелде. Аларның барысы да балигъ булмаганнар эшләре буенча комиссиягә җибәрелде.
- Фейк мәгълүматының таралу очраклары теркәлмәде.
Следите за самым важным и интересным в Telegram-каналеТатмедиа
