Россия буенча авырулар саны 308 мең кешедән артып китте.

Короновируска каршы көрәш буенча оператив штаб мәгълүматларына караганда, Татарстанда ачыкланган 75 очракның 2се – читтән кертелгән, 73е – элемтә нәтиҗәсендә эләккән. 27 кеше хастаханәгә салынган, 48 кеше, авыруның җиңел яки симптомсыз формасы булганга,  өйдә дәвалана.

         Иң күп чирләүчеләр 30дан 50 яшькә кадәрле төркемдә – 24 кеше, икенче урында – 50дән 60 яшькә кадәрле ләр – 16, өченче урында 18дән 30 яшькә кадәрге төркем – 14 кеше.

         Иң күп чир йоктыручылар – казанлылар: 63 кеше. Апас районында 5 очрак ачыкланган. Биектау районында – 3,  Чүпрәледә  –2, Питрәч һәм Кайбыч районнарында – берәр кеше.

         Соңгы тәүлек эчендә Татарстанда 151 кеше хастаханәдән терелеп чыккан.