Бөгелмәдә, саклык чараларын үтәү һәм үз-үзеңне изоляцияләү режимын үтәү нәтиҗәсендә, авыруның яңа очраклары юк.
Бүген Татарстанда “COVID-19”ның 88 яңа очрагы расланган , шуларның 1се – читтән кертелгән, 87 – элемтәдә булу нәтиҗәсе. 20 кеше хастаханәгә салынган, 68е җиңел яки симптомсыз формада булып, өйдә дәвалана.
Казанда “Covid-19” белән авыруның – 51, Яр Чаллыда – 12, Яшел Үзәндә – 5, Арчада – 3, Әтнә һәм Саба районнарда – 2шәр, Азнакай, Аксубай, Әлки, Апас, Балтач, Буа, Биектау, Лаеш, Минзәлә, Түбән Кама, Сарман, Тәтеш, Ютазы районнарында берәр очрак ачыкланган.
19 майга Татарстанда барлыгы 2 400 авыру теркәлгән, терелүчеләр саны – 1 301 кеше (+106 – соңгы тәүлектә).
Бүгенге шартларда үзизоляция режимын, гигиена таләпләрен игътибар белән үтәүнең аеруча мөһимлеге – бәхәссез.
Шулай ук җитди сәбәпләрсез өйдән чыгып йөрмәскә тырышыгыз!
Үзегезне дә, якыннарыгызны да саклагыз!
