Бөгелмәнең Үзәк мәчетендә хәйрия мәҗлесләре дәвам итә

Бөгелмәнең Үзәк мәчетендә өченче ай инде, матур традиция буенча, мәчеткә килүчеләр өчен хәйрия төшке ашлары үтә.

Мөселманнар өчен бәйрәм - җомга көнне, урамда суык булуга да карамастан, учакта пилмән, пылау әзерләнә.

Шунысы сөенечле, җомга намазына 150дән артык мөселман җыела. Бөгелмә районы һәм шәһәре имам-мөхтәсибе Рамил хәзрәт Хөснетдинов мөхтәсибәт исеменнән хәйрия ашлары оештыруда өлеш керткән һәммә кешегә рәхмәт белдерә.

Кичәдә, вәгазь тыңлап, җомга намазы укылганнан соң, теләге булганнар барысы да хәйрия ашы белән авыз иттеләр.