Бөгелмәлеләр, афәрин!

13 апрель көнне Казан шәһәренең Дзюдо (Батыр) үзәгендә узган укучылар спартакиадасында җыелма команда составында чыгыш ясаучы София Шаламова (“Факел” спорт комплексы тәрбияләнүчесе) алтын медаль яулады. Бронза медальгә Тимур Гарәфиев һәм Ирина Бәйрәмбаевалар лаек булды. София Шаламова Идел буе федераль округы беренчелегенә юллама алды. Ул 3–5 май көннәрендә Татарстан Республикасы командасы составында Саранск шәһәрендә көч сынашачак. Спортчыга уңышлар телибез!

Тренер-укытучылары – Илдар Фәттахов.