Бөгелмәдә язгы чакырылыш башланды
2019 елның язгы чакырылышына Татарстаннан хәрби хезмәткә 3 меңнән артык, Бөгелмәдән 102 егет китәчәк.
Россия Кораллы Көчләре сафына язгы чакырылыш 1 апрельдә старт алды һәм 15 июльгә кадәр дәвам итәчәк. Узган атнада Бөгелмәдә хәрби хезмәткә чакыру комиссиясенең беренче утырышы узды.
2019 елның язгы чакырылышына Татарстаннан хәрби хезмәткә 3 меңнән артык, Бөгелмәдән 102 егет китәчәк. Беренче җибәрү инде 22 апрельгә үк планлаштырыла. Аларның күбесе гадәттәгечә Свердловск өлкәсендәге Лесной шәһәренә һәм узган елны шефлыкка алынган Удмуртия Республикасының Кизнер поселогында частьларга хезмәт итәргә җибәреләчәк.
Исегезгә төшерәбез, армиягә 18 яшьтән 27 яшькә кадәрге егетләр чакырылырга тиеш. Хәрби хезмәткә чакырылучы гражданнар медицина тикшерүе узарга һәм комиссия утырышына килер алдыннан кирәкле документлар пакетын җыярга тиеш. Утырышлар июль уртасына кадәр дәвам итәчәк.
Следите за самым важным и интересным в Telegram-каналеТатмедиа
