Бөгелмәдә чирләүчеләр кими башлаган

Узган атнада Бөгелмәдә "грипп" һәм "ОРВИ" диагнозы куелган авырулар саны 17 процентка кимрәк булган.

Бөгелмә муниципаль районы "Роспотребнадзор" бүлеге мәгълүматларына караганда, 8 - 14 февральдә вируслы зәхмәт белән авырып китүчеләр 705 кеше булган, шуларның 586сы - балалар; 1 кешедә грипп ачыкланган. Татарстанда бер атна эчендә 87 кешегә "дуңгыз гриппы" дигән диагноз куелган, шуларның берсе - Бөгелмәдә.

Безнең районда чирләп китүчеләр сан ягыннан "эпидемия бусагасын" узмаган.