Бөгелмә районының клуб учреждениеләрендә утлар сүнде, шәмнәр кабынды...
Бөгелмә районының авыл клуб учреждениеләре «Җир сәгате» акциясендә катнаштылар.
«Үзәкләштерелгән район клублар системасы» муниципаль бюджет учреждениесенең структур бүлекчәләре планетаны коткаруга үз өлешләрен керттеләр.
Авыл клублары хезмәткәрләре 2019 елның 30 мартында Мәскәү вакыты белән 20.30– 21.30 сәгатьләрдә тышкы һәм эчке яктыртуны һәм электр җайланмаларын сүндерделәр. Шәмнәр кабынды һәм чара кунаклары бу сәгатьне формаль булмаган аралашу белән үткәрделәр. Катнашучылар әлеге акциянең әһәмияте турында зур кызыксыну белән тыңладылар, мәгълүматны авыл йортларының иҗат персоналы бәян итте. Барысы да бу чарага аңлап карады, хәтта дискотека вакытында туктаган музыка да яшьләрнең кәефен бозмады.
Кызлар һәм егетләр, фонарьларны кабызып, заманча музыкаль әсәрләр башкара башладылар. Табигатькә сак караш һәм аның чикләнгән ресурслары турында кайгыртуның символик акциясендә катнашып, без планетабызның климатын үзгәрү проблемаларын чишүдә үз өлешебезне кертәбез һәм берләшкән гамәлләр кирәклеге турындагы идеяне хуплыйбыз.
Эльвира НУРГАЛИЕВА, “Үзәкләштерелгән район клублар системасы» муниципаль бюджет учреждениесе методисты.
Эльвира Капитонова фотосы.
Следите за самым важным и интересным в Telegram-каналеТатмедиа
