Бөгелмә районының авыл мәдәният учреждениеләре хезмәткәрләре семинары

Семинар «Мәдәни-ял итү учреждениеләре шартларында гаиләләр белән эшләүнең яңа формалары» дигән исем астында узды һәм мәдәният хезмәткәрләре көненә багышланган иде. «Үзәкләштерелгән район клублар системасы» муниципаль бюджет учреждениесенең методика бүлеге тарафыннан оештырылган программада 75тән артык кеше катнашты. Кунакларны «Тридевятово остаханәсе» проекты кысаларында тәкъдим ителгән декоратив-гамәли сәнгать эшләнмәләре, матур пейзажлар һәм портретлар, гаилә фотографияләре һәм балалар рәсемнәре төшерелгән картиналар, курчак театрлары күргәзмәсе каршы алды.

«Бөгелмә шәһәренең ата-ана каравыннан мәхрүм калган балаларны гаилә бирүдә ярдәм итү үзәге» учреждениесенең тәрбиягә алучы ата-аналарга кандидатлар әзерләү бүлеге педагог-психологы Татьяна Богоманова семинарда катнашучыларга баланың авыр тәртибе һәм тәрбия ысуллары турында сөйләде. Клублар системасының методика бүлеге мөдире Алена Лихачева катнашучыларга авыл мәдәният учреждениеләрендә гаилә кыйммәтләрен популярлаштыру буенча нинди чаралар үткәрергә кирәклеге турында бщян итте. «Ата-аналар мәктәбе» программасын тормышка ашыру һәм «Гаилә калейдоскобы» фильмы белән Зеленая Роща авылы мәдәният йорты мөдире Ольга Николаевна Бородина чыгыш ясады. Ефановка авыл клубы мөдире Ольга Александровна Кочеткова «Ныклы гаилә» партия проектын тормышка ашыру һәм гаилә династияләре белән эшләү тәҗрибәсе белән уртаклашты.

Теоретик өлештән соң семинарда катнашучылар өчен импровизациягә хәрәкәтчән уеннар үткәрелде, ә клуб учреждениеләре тамашачылар өчен үзешчән сәнгатьтә катнашучыларның иҗади гаиләләре оештырган коллективлар башкаруында матур концерт программасы әзерләделәр. Семинарга йомгак ясап, авыл мәдәният учреждениеләрендә үзешчән сәнгатьтә актив катнашучы гаиләләрне хөрмәтләделәр. Ахырда барлык катнашучылар өчен традицион халык уенчыкларын әзерләү буенча мастер-класс үткәрелде.

А. ЛИХАЧЕВА, О. Садыйкова –  «Үзәкләштерелгән район клублар системасы» муниципаль бюджет учреждениесе хезмәткәрләре.

Оксана Садыйкова фотосы.