Бөгелмәдә санитар-экологик икеайлык дәвамында 250 тонна чүп-чар чыгарылган

Табигатьнең уянып, чәчәк аткан мәлендә чүп-чардан арыну бигрәк тә актуаль мәсьәлә. Бөгелмә районында санитар-экологик икеайлык дәвамында 250 тонна чүп-чар чыгарылган. Бүгенге көнгә шәһәр һәм районда предприятие, учреждение, оешма вәкилләре һәм гади халык катнашында 5 шимбә өмәсе үткәрелгән. Икеайлык дәвамында 49 санкцияләнмәгән чүплек ачыкланган, аларның 10сы юкка чыгарылган. Эш әле дә дәвам итә. Чүплекләрне җыештыру һәм территорияләрне төзекләндерү буенча халык мөрәҗәгатьләре дә шактый. Линар Закиров әлеге сорауларны чишү өчен вәкаләтле затларга бер атна вакыт бирде.