Бөгелмә муниципаль районы башкарма комитетының ГХАТ бүлегендә 1нче квартал эшенә йомгак ясалды

Бөгелмә муниципаль районы башкарма комитетының Гражданлык хәле актларын теркәү бүлегендә 2019 елның 1нче кварталында туучылар санына йомгак ясалды.

2019 елның 3 аенда Бөгелмәдә 208 бала туган. Шуларның 101е – малай, 107се – кыз. Дөньяга килгән 208 баланың 77се – гаиләдә беренче, 95е – икенче, 25е – өченче, 11 бала дүртенче һәм аннан соңгылар.

1 кварталда туган кызларга кушылган иң популяр исемнәр – Азалия, Эмилия, Милана, Мария. Бөгелмәлеләр үз сабыйларына биргән иң популяр малай исемнәре арасында – Әмир, Артем, Владислав, Мирон, Роман.

Иң гадәти булмаган исемнәр: кызлар арасында – Алана, Асель, Дәлия, Лирия, Ләйлә, малайларныкы – Айдан, Әгъзам, Гордей, Гыймран, Зәмир.

Иң яшь әнигә – 14, иң яшь әтигә – 20 яшь. Иң өлкән әнигә – 44, иң өлкән әтигә 54 яшь.

Элла ДЕМЧЕНКО, ГХАТ бүлеге җитәкчесе.

Фото - pixabay.com.