4 июньгә булган оператив мәгълүмат буенча Татарстанда 3 402 “COVID-19” очрагы теркәлгән.

Татарстанда бүген 51 яңа COVID-19 очрагы расланды. Барлык пациентлар да чирне  контактлы юл белән йоктырган. Бу хакта ТР Президенты матбугат хезмәте җитәкчесе Лилия Галимова хәбәр итте.

“18 кеше хастаханәгә салынган, 33 кеше өйдә дәвалана”, – дип өстәде Галимова.

Иң күп зарарланган категорияләрдә 50– 60 яшьлекләр – 16 кеше, 30–50 яшьлекләр – 15 һәм 70–80 яшьлекләр – 7 кеше.

Авырулар арасында иң күбесе Казан халкы – 26 кеше, икенче урында Яр Чаллы – 16 зарарлану очрагы. Нурлат районында – 3 һәм Арча, Әтнә, Яшел Үзән, Тукай, Чистай һәм Ютазы районнарында – берәр очрак.