26 майга булган оператив мәгълүматларга караганда, Бөгелмә һәм Бөгелмә районында “Covid-19” белән авырып китүнең яңа очраклары юк

Татарстанда табиблар узган тәүлек эчендә коронавирус йоктыруның 63 яңа очрагын ачыклаган, шуларның берсе читтән кертелгән, ә калганы – контактлар нәтиҗәсе. Бу хакта ТР Президенты матбугат хезмәте җитәкчесе Лилия Галимова хәбәр итте.

Зарарлану очракларының күбесе Казанда (26) һәм Яр Чаллыда (18). Өченче урында Чүпрәле районы – анда 7 авыручы ачыкланды.

Хөрмәтле Бөгелмә һәм Бөгелмә районы халкы, сезнең битлек режимын бозмавыгызны сорыйбыз. Өйдән чыкканда битлек һәм перчаткалар кияргә онытмагыз һәм өйгә әйләнеп кайткач, тәннең ачык өлешләрен җентекләп юыгыз. Профилактика өчен дезинфекция чаралары кулланыгыз.