Бөгелмәләр республика белән берлектә эчкечелеккә каршы көрәшә

Татарстан - ваклап сәүдә итү оешмаларын автоматлаштырылган бердәм дәүләт мәгълүмат системасына (ЕГАИС) тулысынча тоташтырган беренче субъект. Липецк, Сахалин өлкәләрендә дә контрольнең бу төрен үз итү күзәтелә.

ТР Президенты Р. Миннеханов алкогольнең законсыз әйләнешенә үз мөнәсәбәтен ачык белдерде: "Бу - коточкыч ахмаклык һәм моңа каршы бар кеше дә көрәшергә тиеш". "Законлы булмаган эшчәнлек киң колач җәйгән өлкәләрдә контрольсез мөмкин түгел", - ди премьер-министр И. Халиков та.

Татарстанда алкогольле продукция сата торган предприятиеләрнең 90 процентлабы ЕГАИСка тоташты инде. Шулай ук Чаллыда 480 объектны системага тоташтырачаклар.