Һиндстанда өч куллы һәм корсагында икенче баш үскән кыз бала туа (ФОТО)

Һиндстанда корсагында икенче баш үскән кыз бала туа. Аны белгечләр "паразит игезәк" дип атый. Моннан тыш, ул икенче баш янәшәсендә өченче кул да үскән була. Бу хакта, Daily Mail чыганагына сылтама ясап, РИА Новости хәбәр итә.

Корсак янындагы баш тулы үсеш алмаган - колаклары һәм күзләре булмый. Табиблар сүзләренә караганда, ул баланы тормыш өчен кирәкле туклыклы матдәләрдән мәхрүм итә.

Джайпур шәһәренең хирурглары катлаулы 4 сәгатьлек операция барышында аның ябышып үскән игезәген уңышлы ала. Хәзер кызчык тернәкләнеп килә.

tatar-inform