Районның башкарма комитет җитәкчесенең социаль мәсьәләләр буенча урынбасары экология дәресендә катнашты

Бөгелмә шәһәренең 1 нче урта мәктәбендә үзенчәлекле экология дәресе узды.

Чараны район башкарма комитеты җитәкчесенең социаль мәсьәләләр буенча урынбасары Эльвера Ризванова үткәрде.
Мәктәп укучылары үз-үзләрен табигать кочагында тоту кагыйдәләре белән таныштылар, әйләнә-тирә мохитне кайгыртырга өйрәнделәр, елга һәм күл исемнәрен искә төшерделәр.
Балалар Татарстан Республикасының аеруча сак астында булган территорияләре эшчәнлеген җентекләп өйрәнделәр.
Искәртеп узабыз, 1 мартта Татарстанда Экология елы һәм иҗтимагый тирәлек экологик дәресләр үткәрүгә старт бирелгән иде.
Мондый чаралар бу көннәрдә барлык Татарстан мәктәпләрендә һәм гимназияләрендә дә узачак.