Бөгелмәлеләрне ярминкәгә чакыралар

2019 елның 20 һәм 27 апрелендә Бөгелмәдә көндәлек авыл хуҗалыгы продукциясен һәм азык-төлек товарларын сату буенча традицион ярминкәләр узачак.

Бөгелмәлеләр район торак пунктларыннан китерелгән ит, колбаса, сөт, сыр, май, йомырка, яшелчә, бал, шикәр, он, ярма һәм башка фермерлар продукциясен сатып ала алачаклар.

Ярминкәләр, гадәттәгечә, Үзәк мәйданда узачак. Башлана сәгать 8дә.