Бөгелмәдә булачак эшчеләр спортта ярышты

Агымдагы елның 19 - 20 гыйнвар көннәрендә "Хоккей буенча "Арслан" балалар-яшүсмерләр спорт мәктәбе" өстәмә белем бирү учреждениесендә Татарстан Республикасының һөнәри белем бирү уку йортларында укучыларның спартакиадасы кысаларында алкалы хоккей буенча зона ярышлары булып узды. Турнирда Бөгелмә, Әлмәт, Алабуга, Зәй, Лениногорск шәһәре уку йортларыннан килгән командалар көч сынашты. Киеренке һәм кызыклы ярышларның нәтиҗәләре буенча Әлмәт политехника техникумы студентлары - беренче, Лениногорск нефть техникумы командасы - икенче, Әлмәт физик культура көллияте хоккейчылары өченче урынны яуладылар.