"Профи" профильле сменасы Татарстанның төрле почмакларыннан балаларны җыйды

3-9 август көннәрендә Бөгелмә муниципаль районының А.Д. Губин исемендәге яшьләр сәламәтләндерү үзәгендә Татарстан Республикасының 20 муниципаль берәмлегеннән 195 бала өчен «Профи» профиль сменасы узды. Әлеге смена кысаларында, берничә иҗади һәм интеллектуаль юнәлеш буенча эш алып барылды.

Робототехника сменасында республиканың төрле почмакларыннан 8-17 яшьлек 91 кеше катнашты. Сменаның максаты - балалар һәм яшүсмерләрнең ялын, сәламәтләндерүен һәм мәшгульлеген оештыру, шулай ук балаларны роботлаштырылган җайланмаларны конструкцияләү, программалаштыру һәм куллану буенча заманча технологияләргә җәлеп итү.