Марат Әхмәтов Бөгелмә имам-мөхтәсибенә «Изге әманәт» республика конкурсында җиңү яулаганы өчен бүләк тапшырды

Казанда Татарстан Президенты каршындагы татар телен саклау һәм үстерү комиссиясе һәм ТР Диния нәзарәте тарафыннан игълан ителгән «Изге әманәт» («Изге аманат») республика конкурсына йомгак ясалды.

Бөгелмәнең үзәк мәчете "Өлкәннәр өчен татар телендә проектларны гамәлгә ашыручы иң яхшы мәчет" номинациясендә җиңүче булды. 150000 сум күләмендә сертификат белән бүләкләнде. Бүләкне республика парламенты вице-спикеры Марат Әхмәтов кулыннан Бөгелмә имам-мөхтәсибе Рамил хәзрәт Хөснетдинов алды.