Хаҗга барып булачакмы?

Быел Согуд Гарәбстаны 16 000 россиялегә хаҗга бару квотасы биргән. Бу исемлеккә ничә татарстанлы керәсен шушы көннәрдә билгеләячәкләр. Шуны әйтәсе килә, соңгы елларда россиялеләр өчен 4 000 мең урын кимегән. Бу Мәккәдә бара торган төзү һәм ремонт эшләре белән бәйле икән. Изге урынга баручылар өчен торыр урыннар төзекләндерелә. Былтыр 16 мең урын бирелсә дә, бары 13 мең кеше генә хаҗга бара алган. Бусы доллар бәясе нык арту белән бәйле.

Айгөл ШӘРӘФИЕВА.