Губин исемендәге яшьләр үзәгендә ял итүчеләр өчен «һөнәрчелек хәрәкәте» оештырылды

Халык мәдәнияте турында хәтер сүнмәсен өчен, буыннар бәйләнеше өзелмәсен, ата-бабаларыбызның гореф-гадәтләре саклансын өчен - Бөгелмә районында «Һөнәрчелек хәрәкәте» иҗади проекты тормышка ашырыла. Үзәкләштерелгән район клублар системасы белгечләре А. Д.Губин исемендәге яшьләр сәламәтләндерү үзәгендә булдылар.

Чараның максаты - балаларны халык декоратив-гамәли иҗатына җәлеп итү, халык һөнәрчелеге тарихы һәм аларның төрлелеге белән таныштыру.