Бәйрәм көннәре билгеле

2014 елда Ураза бәйрәмен һәм Корбан бәйрәмен уздыру көннәрен билгеләү турында
Татарстан Республикасы Президенты Указы

"Татарстан Республикасының бәйрәм көннәре һәм даталары турында" 1992 елның 19 февралендәге 1448-XII номерлы ТР Законының 1 нче маддәсе нигезендә карар бирәм:

1. Татарстан Республикасында: ай календаре һәм гадәткә кергән традицияләр нигезендә 2014 елның 28 июлен Ураза бәйрәме башлануга туры килә торган көн;

ай календаре һәм гадәткә кергән традицияләр нигезендә 2014 елның 4 октябрен Корбан бәйрәме башлануга туры килә торган көн дип билгеләргә.

2. Әлеге Указ рәсми басылып чыккан көненнән үз көченә керә.

Татарстан Республикасы Президенты Р.Н. Миңнеханов.

Казан, Кремль, 2014 ел, 1 июль.