Бөгелмәдә Covid-19 вакцинациясе дәвам итә

25 октябрьгә яңа коронавирус инфекциясенә каршы 35 737 доза вакцина алынган, 32 322 бөгелмәлегә прививка ясалган, бу пландагы саннарның 49,2%ын тәшкил итә. Прививка ясатучыларның 30%ын 60 яшьтән өлкәнрәк гражданнар тәшкил итә.

Татарстан Республикасы Сәламәтлек саклау министрлыгы рәсми рәвештә хәбәр итә: Россиядә Covid-19 вакцинациясе гражданнарның барлык категорияләре өчен, чит ил кешеләреннән тыш, түләүсез. 

Барыбызны да инфекциядән коллектив иммунитет яклый ала – моның өчен прививка ясарга кирәк. Бөгелмәлеләр прививканы "Бөгелмә РҮХ" ДАССОның шәһәр сырхауханәсендә (Октябрь ур., 20) ясый алалар.