Бөгелмәдә 20 градуска кадәр җылыта

Татарстанның көньяк-көнчыгыш районнарында бераз яңгырлар көтелә.

Татарстан Гидрометеорология һәм әйләнә-тирә мохит мониторингы идарәсе мәгълүматына караганда, 18 май көнне республиканың көньяк-көнчыгыш районнарында бераз яңгырлар көтелә.

Иртәгә республика буенча алмашынучан болытлы һава. Төнлә явым-төшемнәр көтелми. Ә көндез көньяк-көнчыгыш районнарда бераз яңгырлар явып узачак. Җил көньяк-көнчыгыштан талгын.

Төнлә 2-7, көнбатыш районнарда 10 градуска кадәр җылы. Көндез исә термометр баганалары 21 градуска кадәр күтәреләчәк. Төнлә Казанда - 9, көндез 20 градуска кадәр җылыта.