Бөгелмә укытучысы "Балигъ булмаганнарның иң яхшы җәмәгать тәрбиячесе» конкурсы призеры булды

Бәйге Татарстанда 2012 елдан бирле үткәрелә.

Тәрбиячеләр иҗтимагый башлангычта социаль куркыныч һәм авыр тормыш хәлендә калган балигъ булмаганнар белән эшлиләр. Һәр аерым очракта яшүсмер тарафыннан кылынган хокук бозу характеры, аның яше, һәвәслеге һәм башка шартлар, шулай ук балигъ булмаганнарның ризалыгы исәпкә алына.

Бөгелмә төзелеш-техник колледжында социаль куркыныч һәм авыр тормыш хәлендә калган һәр балигъ булмаган балага укытучы, производствога өйрәтү осталары яки кураторлар арасында җәмәгать тәрбиячесе беркетелгән. Бу уку елында «Татарстан Республикасының иң яхшы җәмәгать тәрбиячесе – 2021» конкурсының муниципаль этабында математика укытучысы Венера Рафикова катнашты. Ул икенче урынны яулады.