Бөгелмә суды залыннан: Штраф һәм хокуктан мәхрүм итү

Бөгелмә муниципаль районы Башкарма комитетының юл хәрәкәте куркынычсызлыгы буенча комиссиясе хәбәр итүенчә, 2021 елның 28 декабреннән 2022 елның 12 гыйнварына кадәр җәмәгать судьялары бер ачык суд утырышы үткәргәннәр, анда исерек хәлдә транспорт чарасы белән идарә иткән, һәм медицина тикшерүе узу турында законлы таләпләрне үтәмәгән өчен административ җаваплылыкка тартылган Ринат Фирдәвес улы Шакировка карата эш каралган.

Хокук бозучыны 1 ел һәм 6 айга транспорт чаралары белән идарә итү хокукыннан мәхрүм иткәннәр, 30 мең сум күләмендә штраф билгеләгәннәр.