Пенсионер каракларга 180 мең сум акча күчергән

Кичке сәгать алтыда аның стационар телефонына аның улы исеменнән билгесез кеше шалтырата. Зыян күрүченең сүзләренә караганда, тавыш, чыннан да, аның улының тавышына охшаган. Ул юл-транспорт һәлакәтенә юлыгуын, җәяүлеләр кичүендә өлкән яшьтәге ир-атның үлемен һәм хәзер полициядә булуын әйтә. 

Шуннан соң трубканы үзен тикшерүче дип атаучы икенче ир ала һәм аның улына 6 елдан 8 елга кадәр ирегеннән мәхрүм ителү куркынычы яный, дип хәбәр итә. Шалтыраткан кеше җәзадан котылырга ярдәм итә ала, ди, тик моның өчен ул бер сәгать эчендә акча күчерергә тиеш.

Ялганчы хатыннан якындагы банкомат кайда булуын һәм аны ашыгыч рәвештә шунда барырга ашыктыра. Шалтыраткан ир күрсәтмәләренә таянып, ул 180 000 сум күчерә.

Бу хәлдән соң улы шалтыратып, аның белән бар да тәртиптә булуын хәбәр итә. Пенсионер мошенникларның корбаны булуын аңлап, якындагы полиция бүлегенә мөрәҗәгать итә.

Полиция хезмәткәрләре мошенникларның абонент номерлары Чиләбе һәм Свердловск өлкәләрендә теркәлүе ачыклаган.

Хәзерге вакытта шалтыраткан шәхесне һәм барлык шартларны билгеләүгә юнәлдерелгән оператив-эзләү чаралары үткәрелә. Әлеге факт буенча “Мошенниклык” РФ Җинаять кодексының 159 ст.2 өлешендә каралган җинаять составы билгеләре буенча җинаять эше кузгатылды.

Россия Эчке эшләр министрлыгының Казан шәһәре буенча идарәсе мошенниклар корбаны булмас өчен гади кагыйдәләрне үтәргә кирәк, дип искәртә:

Мондый шалтырату вакытында сөйләшүне туктатырга һәм бәлагә юлыккан туганына шалтыратырга кирәк. Шуны истә тотарга кирәк, хокук саклау органнары хезмәткәрләре җинаять яки административ хокук бозу вакытында мәсьәләләрне җайга салу өчен акча таләп итмәячәк. Алынган мәгълүматның дөреслеген тикшерү өчен, кичекмәстән полициянең территориаль бүлегенә мөрәҗәгать итәргә кирәк.

Россия Эчке эшләр министрлыгының Казан шәһәре буенча идарәсе матбугат хезмәте