“Әхлакый кыйммәтләр һәм кешелекнең киләчәге” парламент сәгате

Шушы көнгә туры китереп, үзәк китапханәнең яшьләр бүлеге хезмәткәрләре, студентлары белән бергә, В. Г. Тимирясов исемендәге Казан инновацион университеты 3 нче мәктәп укучылары өчен “Кешелекнең киләчәге һәм әхлакый кыйммәтләре” дигән темага парламент сәгате үткәрде.

        “Дөнья барыбыз өчен дә бер” дип исемләнгән китап күргәзмәсе оештырылды.  Очрашуда катнашучыларга геройлары көчле характерлы булган кешеләр турында укырга китаплар тәкъдим ителде. Бу китап герое кулсыз һәм аяксыз туган, әмма бәйсез һәм тулы кыйммәтле тормыш белән яши торган Ника Вуйничның “Жизнь без границ” повесте. Борис Полевойның “Повесть о настоящем человеке” повестендә авыр яралану нәтиҗәсендә, очучы-сынаучы Мересьев ике аяктан да мәхрүм калуы, әмма үзеннән зур көч куеп сафка кайтуы. Владислав Титовның “Всем смертям назло” дигән автобиографик повесте, чыннан да, үлем алдыннан ике кулсыз актив тормыш алып барган гаҗәеп кеше тормышы белән таныштыра - төшенкелеккә бирелмәгән һәм тешләренә карандаш кыстырып, яңадан язарга өйрәнгән. Тәкъдим ителгән китаплар үрнәгендә балалар бу вакыйгаларны аңларга, игелекле, җаваплы булырга өйрәнделәр.

      Яшүсмерләр бүлеге хезмәткәрләре балаларга толерантлык төшенчәсе турында белемнәрен киңәйтергә булыштылар. Декларациядә түземлелек (толерантлык) “безнең дөнья культураларының бай күптөрлелеген, үз-үзен дөньяга таныту рәвешләрен һәм кеше индивидуальлеген күрсәтү ысулларын хөрмәт итү, кабул итү һәм дөрес аңлау” дип аңлатыла. Декларация “кешеләр табигатьләре буенча тышкы кыяфәтләре, хәле, сөйләме, үз-үзен тотышы һәм кыйммәтләре буенча аерылуын тану. Дөньяда яшәргә һәм үз индивидуальлегеңне сакларга хокуклы” дип игълан итә.

       Чарада катнашучылар зур кызыксыну белән “Татарстан халыклары ассамблеясы” слайд-презентациясе белән таныштылар.

      Милли бүлек китапханәчесе Э. Бәхтиярова “Түбәтәй” милли татар уенын үткәрде. Милли көйләр яңгыравы астында балалар әйләнә буйлап баш киеменбер-берсенә  тапшырдылар һәм милли ризыкның дөрес исемен атадылар.

      Психолог Г. Мөхетдинова катнашучыларны “Ныклы дуслык” дигән мастер-класс белән кызыксындырды, анда алар учларын әйләндереп, һәр бармакка исем бирделәр. 

    Балалар шулай ук университет студентлары Сухроб Раджабов һәм Динас Габдуллин биргән милли киемнәрдәге фотосессиядә бик теләп катнаштылар. 

    Яшьләр елының “Без булмасак, кем?” гимны астында үткән бию флешмобы барышында катнашучылар бик теләп җырладылар.

   Әлеге чара аша алып баручылар кешенең иң яхшы сыйфатларын: башка милләт һәм диндәге кешеләргә түземлек, зыян китерүдән һәм көчләүдән баш тарту, сизгерлек, шәфкатьлелек принципларын укучыларга җиткерергә тырыштылар.

Чара ахырында балалар татлы призлар белән сыйландылар, психолог үзәк китапханәнең мәгълүмат-хокук үзәге хезмәткәрләре әзерләгән толерантлык эмблемасын таратты.

С. КНЯЗЬКИНА,

үзәк китапханәнең хезмәт күрсәтү бүлеге мөдире

Ю. СИДОРЕНКО фотосы