Быел матур кыш булачак?

Быел кышны температура нормада яки аннан югарырак булачак, дип белдерде Гидрометүзәкнең фәнни җитәкчесе Роман Вильфанд. Озак вакытлы фаразлау картасында "алсу төс" өстенлек итә, ди белгеч. — Метеорологларда картаны буяу, фаразлар температура фонын күрсәтү каралган. Зур булмаган уңай аномалияләр кызыл төс белән буяла, кечкенә аномалияләр — алсу , зур булмаган тискәре аномалияләр — зәңгәрсу, сизелерлек тискәре аномалияләр — зәңгәр төскә буяла , — ди Роман Вильфанд.
Элегрәк ул Русия төбәкләрендә салкыннар ноябрь ахырында гына урнашачак, ә "классик кыш" декабрьнең икенче яртысында гына киләчәк, дип белдергән иде.