Бөгелмәлеләр игътибарына: салым түләр вакыт җитте

Моңа бәйле рәвештә 25 октябрьдә салым түләүче физик затлар өчен Ачык ишекләр көне үткәрелә. Бу көнне теләгән кешеләр милек салымын, керем салымын түләү тәртибе белән якыннан таныша алачаклар. Салым инспекциясе белгечләре кемнең нинди салымнарны нинди вакыт эчендә түләргә икәнен, кемнәргә ташламалар каралганлыгын җентекләп аңлатачаклар, сорауларга җавап бирәчәкләр. Бу көнне шулай ук Россия Салым һәм җыемнар федераль интернет-сервисында теркәлү һәм шәхси кабинет булдыру процедурасын да уза алачак. Моның өчен үзегез белән шәхесне раслаучы документ булу гына таләп ителә.  

Бөгелмә муниципаль районы башлыгы 2018 ел салымнарын мөмкин кадәр тулырак җыю өчен бу җәһәттән хезмәт коллективларында аңлату эшләре алып бару кирәклеген басым ясап әйтте.