Бөгелмә балалар паркында «Урман утырту көне» үткәрелде.
Бүген, 23 апрель көнне, Бөгелмә шәһәренең Ленин урамындагы балалар паркында «Урман утырту көне» табигатьне саклау акциясе узды.
Анда «Бердәм Россия» партиясе әгъзалары, яшьгвардиячеләр белән берлектә, Covid-19 таралу куркынычы шартларында барлык саклык чараларын үтәп, катнашты.
«Урман утырту көне» республика табигать саклау акцияләре ТР Урман хуҗалыгы министрлыгы тарафыннан 2011 елдан бирле үткәрелә. Аларның максаты - республиканың урман ресурсларын яңадан торгызу һәм арттыру, урманга сак караш тәрбияләү, җәмәгатьчелек игътибарын аны саклау проблемаларына җәлеп итү һәм тулаем экологик хәлне яхшырту. Акция кысаларында Татарстанда 5 мең гектардан артык мәйданда урман үсентеләре утыртылды. Шул ук вакытта 18 млн. данә утырту материалы кулланылды, ә катнашучыларның гомуми саны 378 мең кешедән артып китте.
Ринат Дусаев фотолары.
Следите за самым важным и интересным в Telegram-каналеТатмедиа
