Бөгелмә полицейскийлары кайнар эздән фатирдан урлау очрагын фаш иткәннәр
Җирле хатын хокук сакчыларына 190 мең сум акчасы югалу турында гариза белән мөрәҗәгать иткән.
Оператив-эзләү гамәлләре нәтиҗәсендә фаразланган җинаятьченең шәхесен ачыклау мөмкин булган. Ул зыян күрүченең күршесе, шундый ук җинаятьләр өчен хөкем ителгән була. Ачыкланганча, инцидент алдыннан шикләнелүче танышының фатирында булган.
Хокук саклаучылар 135 мең сум күләмендә акчаның бер өлешен генә тартып ала һәм хуҗабикәгә кире кайтара алган. Урланган сумманың калган өлеше инде сарыф ителгән була.
Хәзерге вакытта әлеге факт буенча тикшерүче тарафыннан Россия Федерациясе Җинаять Кодексының «Урлау» 158нче маддәсе буенча җинаять эше кузгатылган, дип хәбәр иттеләр Татарстан Республикасы Эчке эшләр министрлыгы матбугат хезмәтендә. Тоткарланучы үз гаебен таныган, аңа читкә китмәү һәм тиешле тәртип турында язылу рәвешендә сак чарасы сайланган.
Татарстан Республикасы буенча Эчке эшләр министрлыгы үз тирәлегеңә сак һәм игътибарлы булырга кирәклеген искәртә. Әгәр сез урлау корбаны булсагыз, кичекмәстән бу хакта полициягә мөрәҗәгать итегез.
Следите за самым важным и интересным в Telegram-каналеТатмедиа
