Сару кайнамасын өчен нәрсә эшләргә?

Кайчагында рәхәтләнеп тәмле-тәмле ризыклар ашаганнан соң, ашказанында ниндидер борчу барлыкка килә һәм авызда тәмсез тәм сизелә башлый.

Ашказанында бик югары кон­центрацияле тоз кислотасы (соля­ная кислота) була. Әлеге кисло­тадан зыян күрмәс өчен, ашказанының стеналары махсус кат­лам белән капланган. Ашказаны белән үңәч (пищевод) арасында кислота үңәчкә саркып чыкмаслык «капкач» бар. Организмда нәр­сәдер дөрес эшләми башласа, кис­лотаның күләме бик нык артып, ул үңәч территориясенә үтеп керергә мөмкин. Ул чагында инде сару кай­ный башлый, хәтта җә­рәхәт  тә (язва) барлык­ка килергә мөмкин.

Сәбәбе нидә?

• Артык күп ашау.
• Газлы эчем­лекләрне чамасыз күп эчү.
• Тәмәке тар­ту.
• Тар, ашказанын кыса торган кием кию.
• Йөклелек.
• Йоклар алдыннан күп итеп ашау.
• Аспирин, ортофен һәм тагын кай­бер даруларны озак ва­кыт эчү.
• Неврозлар, борчылу, нерв­лану.

Әгәр дә саруыгыз бик еш кайный икән, шоколад, казылык, әче-төче, кыздырылган, майлы ризыклар һәм помидор ашарга ярамый. Шулай ук кофеин күп була торган эчемлекләрдән дә тыелырга кирәк.

Әгәр дә атнасына 2-3 мәр­тәбәдән дә артык сару кайнау сизәсез икән, бу бик начар. Димәк, табибка күренер­гә кирәк. Ә инде шуннан сирәгрәк булса, кислотаны нейтральләштерә тор­ган сироп яки таблеткалар эчәргә мөмкин (мәсәлән, маалокс).

Сару кайнаган­да имбир төнәт­мәсе эчәр­гә мөмкин. Шулай ук карабодай ярмасын кыздырып, яхшылап төеп, көненә 3-4 чеме­тем кабып куярга да була. Он­га әйләндереп төелгән йомырка кабыгы да сару кайнауга каршы яхшы чара булып тора.