Кыздырылган чиядән кайнатма

Ул бик тиз әзерләнә, әмма аз була, чөнки табага сыярлык кына чимал кулланыла.

Кирәк: 
чия – 0,5 кг, 
шикәр – 0,4 кг.

Чияне юып, төшләрен алырга. Кайнар табага шикәрне, аның өстенә чияне салабыз.  Әледән-әле агач калак белән болгатып, шикәр эреп беткәнче уртача утта тотабыз. Утны тагын да басып, 10-15 минут кайнатабыз. Кайнатманы кайнар килеш банкаларга тутырып, капкачлап куябыз. Суынгач, әзрәк карамель тәме биреп, куерып китә. Тәмле булсын!