Бөгелмәле беренчеләрдән булып махсус хәрби операция зонасына китә

Махсус хәрби операция ветераны Константин Кудинов хәзерге вакытта «Сетевая компания» АҖ Бөгелмә электр челтәрләрендә мастер булып эшли һәм машина төзелеше техникумында укыта.

— 2022 елның 24 февралендә массакүләм мәгълүмат чараларыннан мин махсус хәрби операция башлануы турында белдем. Шунда ук военкоматка ирекле рәвештә кабул итүне сорап мөрәҗәгать иттем. Минем янымда якын кешеләр, минем көрәштәшләрем бар иде, без бердәм команда буларак киттек, — дип сөйли Константин Кудинов.

Мотивация турындагы сорауга Константин Владимирович гади генә җавап бирә:
— Бу — күңел чакыруы. Безнең хәзерге вакытта анда кирәк булуыбызны һәм нәкъ менә анда күбрәк файда китерә алачагыбызны аңлау. Идея фикерләре дә бар иде. Ул вакытта финанс кызыксыну юк, эре түләүләр вәгъдә итмәделәр, без моның өчен бармадык — һәркемнең үз мотивациясе бар иде. Барысы да үзләрен күрсәттеләр, ирләр, сугышчылар, кешеләр кебек ачылдылар. Безнең командир әйткәнчә, әгәр карар кабул ителгән икән, ул иң дөрес карар, ә бердәнбер дөрес карар — кабул ителгән карар.

Константин Кудинов тумышы белән Бөгелмәдән, 11нче мәктәпне тәмамлагач, гадәттән тыш хәлләр министрлыгының Ногинск шәһәрендәге коткару үзәгендә хезмәт иткән, аннары туган шәһәренә кайткан, анда үз мәктәбендә гадәттән тыш хәлләр министрлыгы классы булдыруга ярдәм иткән. Бөгелмә машина төзелеше техникумын һәм Казан дәүләт энергетика университетын тәмамлаганнан соң, Бөгелмә егете үзен энергетика өлкәсендә таба.

Сугышчан туганлык
Махсус хәрби операциядә катнашу вакытыннан бөгелмәленең дөньяга карашы үзгәрә:

— Кешелек кыйммәтләре, гаилә кебек фундаменталь төшенчәләр бар. Тагын сугышчан туганлык дигән кыйммәт өстәлде. Бу әти-әнигә, гаиләгә мәхәббәт белән чагыштырырлык. Алар миңа шундый ук якын кешеләр, хәер, икенче яктан, мин аларны белмим диярлек. Моңа кадәр без ватаныбызның төрле төбәкләрендә яшәдек һәм бер-беребезнең яшәве турында белмәдек тә. Берсе укытучы, кемдер юрист яки уңышлы эшмәкәр иде, әмма без барыбыз да хәзер бер шартларда, бер максат һәм бурычлар белән яшибез.

Сугышчан туганлык катнашучылары элемтәдә калалар һәм махсус хәрби операциядән кайткач, бер-берсенә ярдәм итәләр.

Махсус хәрби операция зонасында Константин Владимировичка энергетикның һөнәри күнекмәләре кирәк була:

— Фикер алышканда, бурычны адымлап, этаплап куябыз, шактый гадирәк була. 

Бездә төгәл алгоритм, күзаллау бар, без аның буенча эш итәбез. Энергетикада шундый принцип бар: бригада бернинди шик-шөбһә калмаган очракта гына эшкә рөхсәт ителә. Барлык сорауларга җавап бирелмичә һәм бригаданың һәр әгъзасының шикләре бетерелмичә торып, эшкә керешергә ярамый. Бу принцип безнең бердәмлекнең нигезе булып тора.

Иң мөһиме, сине көтсеннәр
Тыныч тормышка кайту җиңел булмады. Яраланганнан соң физик реа-билитация генә түгел, эмоциональ яктан йөкләнеш тә таләп ителә.

— Кайткач, аны кем көткәне һәркем өчен мөһим, ярдәм кирәк. Үз өстеңдә бик зур эш башкарыла. Әгәр элек, аеруча уяулык халәтендә яшәргә, куркыныч чыга ала торган теләсә нинди вак-төякне күрергә кирәк булса, тыныч тормышта чынбарлыкны алардан аерырга өйрәнергә кирәк. Без бу тәҗрибәне кабул итә генә алабыз, аны яшереп, онытып булмый. Якты булачагына ышанып, алга таба барырга һәм үз тормыш китабын язу мөһим, — дип сөйли Константин Кудинов.

Бөгелмәлене өч кызы һәм хатыны Таина көтә. Кызлары Ульяна һәм София-мәктәп укучылары, Кира балалар бакчасына йөри. Кече кызларының активлыгы һәм кызыксынучанлыгы аркасында Кудиновлар гаиләсенең ял көннәре кызыклы һәм актив уза. Кира алдан ук гаилә өчен вакыт уздыру вариантларын уйлап таба: тимераякта, чаңгыда, роликларда шуу, кино һәм театрда булу, башка күңел ачуларны тәкъдим итә. 

Хезмәтләрен тану
2025 елның 19 февралендә Бөек Ватан сугышында Җиңүнең 80 еллыгына һәм Ватанны саклаучылар елына багышланган тантаналы чарада, Үзәк хәрби округның 30 аерым гвардия мотоатыш бригадасы хәрби хезмәткәре рядовой Константин Кудиновка, Россия Федерациясе Кораллы көчләре Югары башкомандующиена сугышчан бурычларны үрнәк рәвештә үтәгән һәм хәрби бурычны үтәүдәге казанышлары өчен рәхмәт белдерелде.

Патриотик тәрбия
Ветераннар мәктәп укучылары белән очрашуларда бик теләп катнаша. «Ялкын» социаль приютындагы шундый бер чараларның берсендә ул балаларга искәртү буларак кайбер шәхси әйберләрен бүләк итте.

— Әле һаман да без балалар белән аралашабыз. Алар шалтыраталар, үзләренең уңышлары, казанышлары турында сөйлиләр, мине үзләренең олы абыйлары дип саныйлар. Минем өчен бу буш сүз түгел. Мин аларга карата яхшы мөнәсәбәттә, алар — миңа, — дип билгели махсус хәрби операция ветераны.

Константин Владимирович кадет мәктәбендә Батырлык дәресләрендә катнаша һәм мөмкин булганча «ТР Ветераннар берлеге» республика иҗтимагый оешмасы оештырган барлык чараларга йөри.

— Беренчедән, мондый очрашуларда беренче вакытта балаларның сорауларына җавап бирү өчен дөрес сүзләр табуы кыен. Ләкин мин моны — үсеп килүче буынга мөһим әйберләрне аңлату, дөрес төшенчәләр салуны мөһим дип саныйм. Балаларда патриотизм формалаштыруга аерым игътибар бирергә кирәк! — дип ассызыклый Константин Кудинов.

Константин Владимирович — ветераннар һәм махсус хәрби операциядә катнашучылары өчен төзелгән «Батырлар. Татарстан Геройлары» прграммасының катнашучысы. Проект идарә итү потенциалын һәм лидерлык сыйфатларын ачуга юнәлдерелгән. Программаның максаты-идарә системасында һәм башка өлкәләрдә вазыйфаларны биләү өчен перспективалы җитәкчеләр командасын формалаштыру һәм әзерләү.